လူ အ,တစ်ယောက် အဖြစ်မခံကြပါနဲ့တို့တော့ လူ အ,မဟုတ်ပါ
“”#လောဘများက_အမှားကြုံမည် “”
မိတ်ဆွေတစ်ယောက် ရွှေလာအပ်ရင်း လိုင်းပေါ်က 2dဂဏန်း လိုင်းပေါ်က ပေးလို့ပေါက်တာတဲ့ 10000 ဖိုးပေါက်တယ် အားရဝမ်းသာ ပြောပြတယ်။
မလုပ်ပါနဲ့ ဆက်မထိုးပါနဲ့အမ ဆိုတော့… သူကပြောပြတယ် ငါ့မောင် လုပ်စားရတာတွေက မလွယ်ဘူးကွယ် ဘာမှအလုပ်မဖြစ်ဖူးတဲ့ အခု ဒီဆရာက တစ်ကွက်ထဲပေးတာ တစ်ကွက်ထဲတန်းထွက်တာ ငါ့မောင်ရယ် တော်တော် တော်တဲ့ ဆရာပါဟယ်
အမပေါက်တာ 13000ဖိုးတဲ့… အမ ခုနကပြောတော့ တစ်သောင်းဖိုးပေါက်တယ် ပြောပါတယ်ဆိုတော့ဟုတ်ပါတယ် ငါ့မောင် ဒီလိုပါ ဆရာက သူ့ဖို့ 3000ဖိုး ပိုထိုးခိုင်းတယ်အခု 13000ဖိုးပေါက်တော့ သူ့ကို 3000ဖိုး လွဲပေးလိုက်တယ်တဲ့အမက 10000ဖိုး ပေါက်တာပေါ့တဲ့
အော် ကျနော် နားမရှင်းလို့ အဲ့ဒီဆရာက 3000ဖိုး ပိုထိုးခိုင်းတာလားဆိုတော့ ဟုတ်တယ် မောင်လေးတဲ့အဲ့ဆရာက ဘယ်အရွယ်လဲဆိုတော့ (အသက်၃၀)ဝန်းကျင်တဲ့သူသိရင် သူထိုးမှာပေါ့ အမရယ် ဘာလို့ (3000)ဖိုး ထိုးခိုင်းမှာလဲဆိုတော့ သူက လူအများရှုံးကြလို့ ကူညီပြီး ဂဏန်းပေးကယ်နေတာတဲ့ မောင်လေး ဆရာလေးမှာ လောဘမရှိဘူး
သြော် အဲ့လိုလားပေါ့ ကျနော်လဲဘာဘဲဖြစ်ဖြစ်အမရယ် မထိုးပါနဲ့တော့ ရသလောက်နဲ့ ရပ်ပါဆိုတော့ ဒီအမက ရောဂါစွဲနေပြီ ။ ဘာပြောသလဲဆိုတော့ မောင်လေး ဒီဆရာလေး ပေးနေသရွေ့ အမကတော့ ထိုးမယ်တဲ့သူကို ယုံတယ်တဲ့၊ သူမပေးတော့ရင် မထိုးတော့ဘူးတဲ့…
ကျနော်လည်း မပြောတော့ဘူးပေါ့ဗျာ သူလည်း ရွှေအပ်ပြီး ပြန်တော့မလို့ အထ ကျနော်ကို ပြောသွားတယ် မောင်လေး မပူနဲ့ နောက်ပေါက်တိုင်း ရွှေ လာအပ်မယ်တဲ့….
အဲ့ဒါနဲ့ ဒီအမပြန်သွားပြီး ကျနော် စဉ်းစားတယ်။မဖြစ်နိုင်ဘူးဆိုတာ သိနေပေမယ့် ကျနော် တွေးမရ အဖြေမထွက်ဒါနဲ့ ညဘက် အိပ်ခါနီးတော့ ထပ်တွေးကြည့်တယ် အဖြေရသွားပါပြီသို့သော် ဒီအမကို ရှင်းပြဖို့ ကျနော်မှာ ရွာနာမည် မသိဘူးရွှေအပ်စဉ် အခါက ဘယ်ရွာကလဲမမေးခဲ့မိဘူးလေ…
“ဒီလိုပါ ကျနော့် အဖြေက “ဒီဆရာဆိုတဲ့ကောင် လူလည်လုပ်နေတာ2d ကအကွက်(100) ၊ တစ်ယောက်တစ်ကွက်နှုန်း (လူ100) ပေးတယ် ။သေချာတာပေါ့ဗျာ တစ်ယောက် ပေါက်ပြီပေါ့ဗျာအဲ့ဒီတစ်ယောက်ချင်းကို ဆရာဆိုတဲ့ ကောင်က တစ်ယောက် (၃၀၀၀)ဖိုး ပိုထိုးခိုင်းထားတာ တစ်နေ့နှစ်ကြိမ်ထွက်တော့ ဆရာဆိုတဲ့ အကောင်က 2dထွက်တိုင်းတစ်ရက်(၆၀၀၀)ဖိုး ရနေတော့တာပေါ့ကျန် (၉၉)ယောက်ကတော့ မွဲပြီပေါ့
အဲ့ဒါနဲ့ ကျနော် အတွေး မှန် မမှန်သိရဖို့ နောက်နေ့မနက်မှာ စမ်းသပ်ပါတယ်ကျနော်တပည့်လေးတွေကို 2dဂဏန်းပေးနေတဲ့ ဆရာတွေကို ဖေ့စ်ဘုတ်မှာ ရှာခိုင်းပြီး ဂဏန်းတောင်းခိုင်းလိုက်ပါတယ်
မက်ဆေ့ဝင်လာတယ် ၂၃ နဲ့ ၄၉ တဲ့ ဒီဆရာကတော့ လောဘပိုကြီးတယ် သူ့ဖို့ ၅၀၀၀ဖိုး ပိုထိုးပေးပါတဲ့အဲ့ဒါနဲ့ တပည့်နောက်တစ်ယောက်ကို ဒီဆရာဆိုတဲ့လူကိုဘဲ ထပ်တောင်းခိုင်းတယ် မက်ဆေ့ထပ်ဝင်လာတာဘဲ ၁၅ နဲ့ ၃၇ထိုးပါတဲ့။ ထုံးစံအတိုင်း သူ့ဖို့၅၀၀၀ဖိုးပေါ့
သူ့ဗျူဟာက လူ၅၀ဆို အကွက်ပြည့်ပြီ ဒီဆရာက ခြေလှမ်းပိုကျဲတယ်စမ်းသပ်မှူ နဲ့ အတွေးမှန်ခဲ့ပါတယ် နေ့လည်2dထွက်တော့ (၇၆)တဲ့မလုပ်သင့်ပါဘူး ဆရာအပေါင်းတို့ရယ်ကိုယ်ရဖို့အတွက် ၉၉ယောက်သောသူတို့ ဘဝပျက်မည့်အလုပ်ကို မလုပ်ပါနဲ့လို့ အကြံပြုပါတယ်။
ကျွန်တော့်တို့ အမျိုးထဲက ဘကြီးကတော့ ချဲတစ်ခါပေါက်ဖူးတာ တစ်သက်လုံး ချဲသမားဖြစ်သွားတယ် ။ ညညဆို ညဉ့်နက်မှ အိပ်တယ် တစ်ယောက်ထဲ ချဲတွက်တာ ဗလာစာအုပ်တွေထပ်လို့၊ သေတဲ့အထိ ချဲထပ်မပေါက်သွားရှာဘူး။
ဘယ်ပေါက်မလဲ ချဲထွက်တာက ဂေါ်လီနှိုက်တာ ကျနော်ဘကြီးက လက်နဲ့တွက်တာ ဘယ်လိုတွက်လဲ? ဟိုဂဏန်း ၂လုံးကျော်နဲ့ပေါင်း၊ ဒီဂဏန်းပြန်ဆွဲချ ။အောက်မှာပြန်နုတ် အဲ့လို ထွက်ပြီးသားဂဏန်းမရမချင်း အပေါင်းအနုတ် အမြှောက် အစားနဲ့သွားနေတာ ပြီးရင် ဆေးလိပ်လေးဖွာပြီး လူစုံရင်ပြောပြီ ဒီအပတ် ဂွင်ကျမှ ဂွင်ကျဘဲကွ ၁၀ပင်ခိုင်ခဲ့တာရော
အပင်၂၀ မပျက်တာရော ရှုပ်နေတာဘဲ
ချဲထွက်ပြီဆိုတော့ သူသွားကြည့်တယ် ဟိုမှာ သူ့ရှေ့မှာ ဂေါ်လီဘဲနှိုက်ပြပြီး ချဲထွက်ပေးတာဘဲထွက်သွားပြီကွာ ပွတ်ကျသွားတာတဲ့ မပေါက်ပြန်ဘူး
ကျနော်ကတော့ ပွတ်ကျသွားတယ်ကြားလိုက်တော့ နံရိုးတွေများ စုတ်သွားသလားပေါ့ ။မဟုတ်ပါဘူး ဘကြီးစားစရာ မရှိတော့တာဆေးလိပ်ပြန်ဖွာ ပြန်တွက်ပြန်တာဘဲ ဟ အဲငါမှားတာတဲ့ ဒီမှာ ထိပ်စည်းကြီး အပိုင်ရနေတာကိုကွာတဲ့
ဒါနဲ့ဘဲ တစ်ခါဘဲပေါက်ဖူးပြီး ဆေးလိပ်တဖွာဖွာနဲ့ သေခဲ့ရတာဘဲလူတွေဟာ အရိုးစွဲမှားတွေကို သိသိနဲ့ လုပ်နေဆဲ လုပ်နေတတ်ကြပါတယ် အယူအဆ လွဲနေတာ သူတို့သိပါတယ်သို့သော် အခုထိ ချဲတွက်ကြတုန်းပါဘဲ….
(လူတွေ အလောင်းကစား ဝါသနာစတဲ့နေ့ဟာ ဒီအလောင်းကစား စဆော့လို့ ငွေစရဖူတဲ့နေ့ပါဘဲ။ သတိကပ်ပါ။အလောင်းကစားနွံ စတင်နစ်တော့မှာပါ)အပေါ်ကပြောခဲ့တဲ့ ပေါ်တော်မူ ဆရာတို့လည်း ပြောချင်ပါတယ်ကိုယ်ရဖို့အတွက် သူတို့သားသမီးလေးတွေ စားရမဲ့နေထိုင်စရာမဲ့ဖြစ်မည့်ဘဝကို ကိုယ့်မိသားစုသဖွယ် ကိုယ်ချင်းစာပေးပါလို့ ပြောလိုက်ပါရစေ ချစ်ညီကိုအပေါင်းတို့
ကျနော်နဲ့ စကားပြောခဲ့ဖူးသော အမလည်း လက်လွန်ကုန်ပြီလားမသိဘူးဒီစာလေးမြင်ပါစေ နောက်သို့ဆုတ်ပါကိုယ့်အမ အရင်းလို ချစ်ခင်ရပါသော အမ…..
(ကိုဖြိုးလေး)
#Credit
#crd_to_owner
