ကြားသိရသမျှ

အလင်းတန်းကြီးလွှတ်တဲ့ လက်သည်တွေ့ပါပြီ (ရုပ်သံ)

အိန္ဒိယနိုင်ငံက လွှတ်တင်သည့် Agni-5 Ballistic Missile တာဝေးပစ် ဒုံးပျံဖြစ်ကြောင်း MASES အတည်ပြုသည်။
ကောင်းကင်တွင်မြင်တွေ့ရသော အလင်းတန်းသည် နာဆာမှ ဒုံးပျံမဟုတ်ဟု MASES ကနဦး အသိပေ

15 Dec 2022 By MPAမြန်မာနိုင်ငံ၏ ဒေသအချို့မှ ထင်ထင်ရှားရှား တွေ့မြင်လိုက်ရသည့် ကောင်းကင်မှ အလင်းတန်းသည် နာဆာမှ လွှတ်တင်သည့် ဒုံးပျံမဟုတ်ဟု MASES အဖွဲ့က အသိပေးထားသည်

ယနေ့တွင် ကောင်းကင်၌ တွေ့မြင်ရသော အလင်းတန်းနှင့်အတူ သွားလာနေသည့် ယာဉ်တစင်း(ယူဆရ) ကြောင့် တွေ့မြင်ရသည့်သူများနှင့် ဖေ့ဘုတ်အသုံးပြုသူအချို့သည် ထင်ကြေးအမျိုးမျိုးပေးနေကြသည်။

မြန်မာ့နက္ခတ်တာရာနှင့် သိပ္ပံပညာဝါသနာရှင်များအသင်း (MASES) က ကောင်းကင်တွင် မြင်ရသည့် အလင်းတန်း ပုံသဏ္ဍန်မျိုးသည် များသောအားဖြင့် ဂြိုလ်တုတွေကို သယ်ဆောင်သွားသည့် အာကာသ ဒုံးပျံတွေကြောင့် ဖြစ်တတ်သည်ဟု ဆိုသည်။ သို့သော် ယနေ့တွင် လွှတ်တင်မည်ဟု တရားဝင် သတင်းထုတ်ပြန်ထားသည့် အစီအစဉ်မရှိဟုလည်း ဆိုသည်။

နာဆာ၏ သမုဒ္ဒရာ လေ့လာရေး ဂြိုလ်တု သယ်ဆောင်သွားသည့် Falcon-9 ဒုံးပျံလည်း မဟုတ်သလို SWOT ဟုခေါ်သည့် ယင်းမစ်ရှင်ကို ယနေ့ လွှတ်တင်ရန် စီစဉ်ထားသော်လည်း ရက်ရွှေ့ထားသည်ဟု MASES က အသိပေးထားသည်။

“နောက် ထပ်ဖြစ်နိုင်ခြေတစ်ခုက India ကာကွယ်ရေးဝန်ကြီးဌာန က လွှတ်တင်မယ် ကြေငြာထားတဲ့ တာဝေးပစ် ဒုံးပျံပါ။ ၁၅ ရက် နဲ့ ၁၆ ရက် အတွင်း လွှတ်တင်မယ်ရေးထားတာကြောင့် အချိန်တော့ တိုက်ဆိုင်ပါတယ်”ဟု MASES က အသိပေးသည်။

ယင်းအချက်သည်လည်း လက်ရှိတွင် နိုင်ငံကာကွယ်ရေးနှင့် သက်ဆိုင်သောကြောင့် အိန္ဒိယနိုင်ငံအနေဖြင့် ယင်းသတင်းနှင့် ပတ်သက်၍ သတင်းအချက်အလက် အတိအကျ ရေးထားသည်မျိုး မတွေ့သေးကြောင်းလည်း ဆိုသည်။

ဖြစ်စဉ်သည် အလွန်ထူးဆန်းသည့် ဖြစ်စဉ်တစ်ခုမဟုတ်ဘဲ ဒုံးပျံ အမြဲလိုလို လွှတ်တင်နေကျဖြစ်သည့် အမေရိကန် နိုင်ငံမျိုးမှာဆိုလျှင်ပင် ယင်းသို့ အလင်းတန်းမျိုး တွေ့မြင်ရသည်ဟု ဆက်လက်အသိပေးထားသည်။

ဖေ့ဘုတ်တွင် ပျံ့နှံ့နေသည့် အလင်းတန်းဗီဒီယို (မူရင်းရိုက်ထားသည့် ရုပ်သံပိုင်ရှင်အား Crd အပြည့်အဝပေးပါသည်)

Update များဆက်လက်ဖော်ပြသွားမည်။

Leave a Reply

Your email address will not be published. Required fields are marked *