ကြားသိရသမျှ

အမေ့ရဲ့ ရွေးချယ်မှုကို အမေ့သားတွေကဘယ်လိုနှလုံးသားနဲ့ လက်ခံခဲ့ရလဲဆိုတာပြောလာတဲ့ ပန်ဆယ်လို

အမေ့ရဲ့ ရွေးချယ်မှုကို အမေ့သားတွေကဘယ်လိုနှလုံးသားနဲ့ လက်ခံခဲ့ရလဲဆိုတာပြောလာတဲ့ ပန်ဆယ်လို

ဒီရက်ထဲ ဆန်ရေပရော့ဂျက်ကို အကြောင်းပြုပြီး အမေစုနဲ့ ကိုထိန်လင်းရဲ့ ဓါတ်ပုံလေးတွေကို ရှာဖွေကြည့်ဖြစ်တယ်။

သတိမထားမိဘဲ မနေနိုင်အောင် အရမ်းသိသာနေတာက ကိုထိန်လင်းဟာ အမေကို သိပ်ခင်တွယ်တဲ့သားဆိုတာပဲ။ ခေတ်စကားနဲ့ ပြောရင် လုံးဝကို Mommy’s Boy ပဲ။

Kim Aris, son of Myanmar’s pro-democracy leader Aung San Suu Kyi, right, shows victory sign to her supporters at Yangon International Airport in Yangon, Myanmar Tuesday, Dec. 7, 2010 as she bid farewell to her younger son, who visited his mother for the first time in a decade after her recent release from house arrest. (AP Photo/Khin Maung Win)

အတော်လေးအရွယ် ရောက်သွားတာတောင် အမေ့နားရောက်ရင် လုံးဝကလေးပိစိလေးလို ချွဲနွဲ့နေတော့တာမျိုး။ တပုံတလေမှ မဟုတ်ဘူး။ ပုံအတော်များများမှာ အဲ့လိုပုံစံတွေ့ရတာ။

နောက်ထပ် သိသာတာ တစ်ခုက အမေ့ကို အရမ်းအကာအကွယ်ပေးချင်တဲ့ သားတစ်ယောက်ရဲ့ ဟန်ပန်အမူအရာမျိုး။ အမေက သူ့လက်ကိုချိတ်လိုက်ရင် ရင်ဘတ်ကြီးကော့ပြီး အမေ့ရဲ့ ဟီးရိုးကြီးအထာနဲ့။

အမေ့ဘေးနားလူတွေဝိုင်းလာရင် အမေ့ကို သူ့လက်နဲ့ကာကာထားတာ။ ရုပ်သေဓါတ်ပုံလေးတွေကတောင် ဒီလိုဟန်ပန်တွေကို ခဏခဏမြင်ရတယ်။

ကိုယ်တို့က ဒေါ်အောင်ဆန်းစုကြည်ရဲ့ မိသားစုဇာတ်လမ်းလေးအကြောင်း တွေးလိုက်ရင် အမေဟာ တိုင်းပြည်အတွက် ဒီလိုဆုံးဖြတ်ချက်တွေကို ဘယ်လိုရွေးချယ်ခဲ့လဲလို့ အမြဲအံ့ဩဘနန်းဖြစ်ကြရတယ်။ ကိုယ်တို့ မတွေးမိခဲ့တာက အမေ့ရဲ့ ရွေးချယ်မှုကို အမေ့သားတွေကရော ဘယ်လိုနှလုံးသားနဲ့ လက်ခံခဲ့ရလဲဆိုတာပဲ။

မိခင်ဖြစ်သူက နိုင်ငံအတွက် မိသားစုကို စွန့်ခဲ့ရတဲ့အပေါ်မှာ အမေ့ကို စိတ်မနာရက်ဘူးဆိုရင်တောင် ဒီနိုင်ငံကို ပုံချစိတ်နာရင်လည်း တရားတဲ့အခြေအနေ။ ကိုထိန်လင်းဟာ သူ့အမေချစ်တဲ့ ဒီနိုင်ငံကိုလည်း သူ့အမေနဲ့အတူ လိုက်ချစ်ပေးရှာတာ ဒီနေ့အထိပဲ။

အမေ့ကို သိပ်ချစ်တဲ့၊ အမေ့နားရောက်ရင် ကလေးကြီးတစ်ယောက်လို ဖြစ်သွားတတ်တဲ့ သား။ အမေ့ရဲ့ ဟီးရိုးကြီးဖြစ်ချင်တဲ့သား၊ အမေ့ကို ကာကွယ်ပေးချင်တဲ့သား။ အမေ့လိုပဲ အမေချစ်တဲ့နိုင်ငံကို လိုက်ချစ်ပေးရှာတဲ့သား။

Kim Aris, son of Myanmar’s pro-democracy leader Aung San Suu Kyi, right, shows victory sign to her supporters at Yangon International Airport in Yangon, Myanmar Tuesday, Dec. 7, 2010 as she bid farewell to her younger son, who visited his mother for the first time in a decade after her recent release from house arrest. (AP Photo/Khin Maung Win)


ဒီသားဟာ အမေ့အတွက်၊ အမေချစ်တဲ့ ဒီနိုင်ငံအတွက်၊ ပြီးတော့ အမေ့ရဲ့ ပြည်သူတွေအတွက် ရည်ရွယ်ပြီး ဆောင်ယူလာတဲ့ ဆန်ရေပရော့ဂျက်မှာ သူ့ရည်ရွယ်ချက်ဖြစ်တဲ့ ဒီနိုင်ငံကို ထိထိရောက်ရောက်ကူညီနိုင်ဖို့ဆိုတဲ့ မျှော်လင့်ချက်လေးကို တစ်ယောက်တစ်လက် ဝိုင်းဝန်းဖြည့်ဆည်းကြရအောင်ပါ။

ကိုထိန်လင်းကိုမြင်တိုင်း အားနာသလို ခံစားရတဲ့ ခံစားချက်က ဒီလောက်နဲ့ မပြေပျောက်နိုင်ပေမယ့် သူ့ရဲ့ ကူညီချင်စိတ်လေးကို ဝိုင်းဝန်းအားဖြည့်နိုင်မယ်ဆိုရင်၊

အမေ့အတွက် ပူပန်စိတ်တွေကြားက ဒီသားဟာ အခိုက်အတန့်လေး ပီတိဖြစ်မယ်ဆိုရင်ပဲ ကြိုးစားရကျိုး နပ်လှပြီမဟုတ်လား။

ကိုထိန်လင်းအပေါ် စုန်ရေမရှိခဲ့ဖူးတဲ့ ကိုယ်တို့မြန်မာပြည်သူတွေအတွက် မေတ္တာဆန်ရေ ပေးလာတဲ့အခါ ကိုယ်တို့ကလည်း ချစ်ခြင်းမေတ္တာတွေ တသွင်သွင်စီးကြရမယ် မဟုတ်လား။

သူတို့သားအမိကို ဒီလိုလေး ပြန်မြင်ခွင့် ရချင်ပြီ။

လက်မှတ်ဝယ်ယူရန် ?

https://www.springsignature.net

Leave a Reply

Your email address will not be published. Required fields are marked *